टिप्परसँग स्कुटी ठोक्किँदा एकको मृत्यु

बुटवल- टिप्परसँग स्कुटी ठोक्किँदा एक जनाको मृत्यु भएको छ।

शनिबार सिद्धार्थ राजमार्ग अन्तर्गत तानसेन–बुटवल सडकखण्डमा टिपरसँग स्कुटी ठोक्किँदा बुटवल उपमहानगरपालिका–१३ का २५ वर्षीय सिद्धान्त थापाको मृत्यु भएको हो।

दोभान सिद्धबाबा खण्डमा पाल्पाबाट चुनढुंगा बोकेर बुटवलतर्फ जाँदै गरेको लु २ ख १७६३ नम्बरको टिपरमा लु १९ प २८०३ नम्बरको स्कुटी ठोक्किएको प्रहरीले जनाएको छ।

घटनाको सम्बन्धमा थप अनुसन्धान गर्न प्रहरी निरीक्षक भीमबहादुर कार्कीको कमाण्डमा टोली घटनास्थलमा खटिएको छ।