काठमाडौं - सहिद स्मारक 'ए' डिभिजन लिग फुटबलमा न्युरोड टिम एनआरटीले दोस्रो जित निकालेको छ। बुधबार भएको खेलमा च्यासल युथ क्लबलाई २-१ ले पराजित गर्दै एनआरटीले दोस्रो जित निकालेको हो।
त्रिपुरेश्वरस्थित दशरथ रंगशालामा सम्पन्न खेलमा एनआरटीलाई जित दिलाउन जुनियर निकेनगुए र दर्शन गुरुङले एक/एक गोल गरे। च्यासलका अमिर श्रेष्ठले एक गोल फर्काए। खेलको ७२ औं मिनेटमा एनआरटी १० खेलाडीमा सिमित भएको थियो। जोर्डनले दोहोरो पहेँलो कार्ड पाउँदै मैदान छोडेका थिए।
एनआरटीले ३ खेलबाट ४ अंक जोडेको छ। च्यासलले पनि ३ खेलमा ४ अंक जोडेको छ।