दाङ- नेत्रविक्रम चन्दका दाइ चन्द्रवहादुर चन्दसहित दाङमा पक्राउ परेका बिप्लव समूहका २१ नेता जेल चलान भएका छन्। दाङ देउखुरी जिल्ला अदालतले तोकेको धरौटी तिर्न नसक्दा उनीहरु जेल चलान भएका हुन्।
सोमवार जिल्ला अदालतले उनीहरुलाई जनही १५/१५ हजार रुपैयाँ धरौटीमा रिहा हुन आदेश दिएको थियो। तर विप्लव समूहका २१ जना नेताले आफूहरुले धरौटी तिर्न नसक्ने भएका कारण कारागार चलान हुने निर्णय लिएका थिए।
फरक मुद्दा लगाएर प्रहरीले अदालत परिसरबाटै पुनः नियन्त्रणमा लिने तयारी गरेकोले पनि आफूहरुले अदालतमा धरौटी नबुझाएर कारागार जाने निर्णय गरेको उनीहरुले चन्दले बताए।
गत कार्तिक ३० गते दाङको राजपुर गाउँपालिकाको जंगल क्षेत्रबाट पक्राउ परेका उनीहरुलाई राज्यविरुद्धको संगठित अपराधको मुद्दा प्रहरीले चलाएको थियो।