चाबहिल तनावग्रस्त : छात्रालाई ठक्कर दिने गाडी विद्यार्थीले जलाए

काठमाडौं- पशुपति क्याम्पसमा अध्ययनरत एक छात्रालाई गाडीले ठक्कर दिएर भाग्न खोजेपछि चाबहिल क्षेत्र तनावग्रस्त बनेको छ ।

बा ७ ख ५९३० नम्बरको गाडीले बीबीएस चौथो वर्षमा अध्ययनरत विद्यार्थी सृष्टि पन्तलाई आज (सोमबार) बिहान सुकेधारामा ठक्कर दिएको थियो । उनको अवस्था गम्भीर छ ।

सृष्टिलाई ठक्कर दिएर भाग्न खोजेको गाडीमा विद्यार्थीले आगजनी र तोडफोडसमेत गरेका छन्। ठक्कर दिने गाडी र चालकलाई नियन्त्रणमा लिइएको प्रहरीले जनाएको छ।

विद्यार्थीले बा ४ ख ७१०१ नम्बरको बसमा आगजनी गरेका छन् भने बा ३ ख ४४३३ नम्बरको बसमा तोडफोड गरेका प्रहरीले जनाएको छ।

प्रहरी र विद्यार्थीबीच केहीबेर झडप समेत भएको थियो। अहिले पनि चाबहिल क्षेत्रको अवस्था भने तनावग्रस्त छ भने यातायातका साधन पनि राम्रोसँग चल्न सकेका छैनन् ।