विश्वकप छनोटमा ब्राजिलको सतप्रतिशत जित

काठमाडौं- अर्को वर्ष कतारमा हुने फिफा विश्वकपको दक्षिण अमेरिकी छनोटअन्तर्गत दक्षिण अमेरिकी छनोटमा ब्राजिलले अहिलेसम्म सतप्रशिसत जित निकालेको छ।

ब्राजिलले शुक्रबार बिहान सम्पन्न खेलमा चिलीलाई १–० गोलले हराएको हो। ब्राजिलको जितका लागि एभर्टन रिबेरोले गोल गरेका थिए। दोस्रो हाफको पहिलो मिनेटमा भिनिसियर जुनियरको ठाउँमा मैदान छिरेका रिबेरोले १८ औं मिनेटमा गोल गरेका थिए।

यो जितसँगै ब्राजिलले आफूले खेलेको खेलमा सतप्रतिसत जित निकालेर २१ अंकका साथ शीर्षस्थानमा छ। यता ६ अंक जोडेको चिली सातौं स्थानमा छ। अर्जेन्टिना दोस्रो स्थानमा छ भने इक्वेडर तेस्रो स्थानमा छ।