पोखरा- प्रिमियर लिग क्रिकेटमा चितवन राइनोजले लगातार चौथो जित निकालेको छ। आइतबार भएको खेलमा विराटनगरलाई १८ रनले हराउँदै चितवनले एक खेल अगाडी प्लेअफको यात्रासमेत पक्का गर्यो।
पोखरा क्रिकेट मैदानमा टस हारेर पहिले ब्याटिङको निम्तो पाएको विराटनगरले २० ओभरमा चार विकेट गुमाउँदै १४६ रन बनायो।
चितवनले दिएको १ सय ४७ रनको लक्ष्यसहित जवाफी ब्याटिङ गरेको विराटनगर १९ ओभरमा अलआउट हुँदै १ सय २८ रनमा समेटियो।
विराटनगरका लागि लोकेश बमले ६२ रनको अर्धशतकीय इनिङ्स खेले। यस्तै पुनित मेहेराले २४ तथा नोमन खानले १८ रन बनाए।
चितवनका करण केसी र भुवन कार्कीले ३–३ विकेट लिए। रोहन मुस्तफाले २ विकेट लिए।
यस अघि टस हारेर पहिले ब्याटिङ गरेको चितवनले २० ओभरमा ४ विकेट गुमाएर १ सय ४६ रन बनाएको थियो।
चितवनको लागि आरिफ शेखले अविजित ३९ रन जोड्दा सन्नी पटेलले अविजित २७ रन बनाए।
यस्तै कप्तान पारस खड्काले ३५ रन जोड्दा बाबर हायातले २५ रन बनाए।
विराटनगरका जितेन्द्र मुखिया, किशोर महतो, पुनित मेहेरा, मुहमद जायद आलमले एक एक विकेट लिए।
जितसँगै चितवन फाइनल नजिक पुगेको छ। शीर्ष स्थानको चितवनले ४ खेलमा अपराजित रहदै ८ अंक जोडेको छ।
चार खेलमा २ अंक जोडेको विराटनगर चौंथो स्थानमा रहेको छ। हारसँगै विराटनगरको प्ले अफ सम्भावना कमजोर बनेको छ।