कोटेश्वर नजिक बागमती नदीमा पुरुषको शव फेला

काठमाडौं- बागमती नदीमा एक युवकको शव भेटिएको छ। काठमाडौंको मीनभवन र कोटेश्वरको नजिक बागमती नदीको बीचमा शुक्रबार बिहान शव भेटिएको हो।

महानगरीय प्रहरी वृत्त नयाँ बानेश्वरका प्रहरी नायव उपरीक्षक मीन लामाले शव काभ्रे सारदाबतासे–४ का ३८ वर्षीय विक्रम तामाङको भएको जानकारी दिए। बाहिरी शरीरमा चोटपटक केही नदेखिएको र छाती फुलेको अवस्थामा नदीको बीच भागमा शव भेटिएको लामाले बताए।

उनको साथमा भेटिएको सवारी चालक अनुमति पत्रका आधारमा पहिचान भएको लामाले जानकारी दिए। घटनाबारे अनुसन्धान भइरहेको लामाले बताए। शव प्रहरीले नै देखेको थियो।