यार्सा खोज्‍न गएका दुई किशोरको हिउँमा पुरिएर मृत्यु

धनगढी– बझाङमा यार्सा खोज्न गएका दुई किशोरको हिउँमा पुरिएर ज्यान गएको छ। सुर्मा गाउँपालिका–१ का १८ वर्षीय कविराज बोहरा र १४ वर्षीया शहदेब बोहराको मृत्यु भएको प्रहरीले जनाएको छ।

सुर्मा गाउँपालिकाका अध्यक्ष नरबहादुर बोहराका अनुसार उनीहरु मंसिर २५ गते घरबाट ओखल भन्ने ठाँउमा जडीबुटी संकलन गर्न गएका थिए। उनीहरु घर नफर्किएपछि खोजी गर्दा मंगलबार मृत अवस्थामा फेला परेको जिल्ला प्रहरी प्रमुख, प्रहरी नायब उपरीक्षक गणेश बमले जानकारी दिए। उनले प्रहरी चौकी दौलीचौरबाट प्रहरी टोली घटनास्थलमा खटाइएको बताए।