काठमाडौं- पूर्वप्रधानमन्त्री एवम् समाजवादी नेपालका अध्यक्ष डा. बाबुराम भट्टराईले राजनीतिक नेता, ठेकेदार र कर्मचारीतन्त्रको साँठगाँठका सामु आफू बबुरो बन्न विवश बनेको बताएका छन्।
उनले त्रिपक्षीय मिलेमतोका अगाडि आफ्नो आवाज अरण्यरोदन बनिरहेको भन्दै आफ्नै निर्वाचन क्षेत्रमा काम गर्न अवरोध भइरहेको स्पष्ट पारेका हुन्।
पूर्वप्रधानमन्त्री भट्टराईले उनले आफ्नै गृह जिल्ला गोरखामा नदीजन्य पदार्थको दोहन भइरहेको, १२ वर्षदेखि निर्माणाधीन सडक अझै बन्न नसकेको भन्दै यसमा राजनीतिक दल, ठेकेदार र कर्मचारीतन्त्रको मिलेमतो जिम्मेवार रहेको बताएका छन्।
उनले सामाजिक सञ्जालमार्फत यसबारे अब के गर्न सकिएला भनेर स्थानीय सरोकारवाला जनसमुदाय र सबै नागरिकसँग सुझाव मागेका छन् ।