सोमबार, चैत २४, २०७६

समाचार

कोरोनाको शंकामा कुकुर पनि क्वारेन्टाइनमा

1580888396Corona_Virus_2.jpg

हङकङ– हङकङमा घरपालुवा कुकुरलाई कोरोना भाइरस (कोभिड–१९) संक्रमणको आशंकामा क्वारेन्टाइन्मा राखिएको स्वास्थ्य अधिकारीले शुक्रबार बताएका छन्।

कोराना भाइरस संक्रमण ‘केही पोजेटिभ’ देखिएपछि कुकुरलाई कृषि, मत्स्यपालन तथा संरक्षण विभागको जिम्मा लगाइएको छ।
विभागका अनुसार कुकुरको मुख, नाक तथा दिसाको प्रारम्भिक परीक्षण गरिएको थियो।

तर, कुकुरमा मानिसलाई जस्तो कुनै लक्षण नदेखिएको बताइएको छ।

विभागले घरपालुवा कुकुरबाट मानिसमा कोरोना संक्रमण हुन सक्छ भन्ने कुनै प्रमाण नरहेको स्पष्ट पारेको छ।

विभागले भनेको छ, ‘कुकुरलाई निगरानीमा राखिएको छ। थप नमुना संकलन गरी परीक्षण गरिनेछ । कुकुरको मुख र नाकमा वातावरणीय प्रभावको संक्रमण हो वा कोरोना नै संक्रमण हो निश्चित गरिनेछ ।’

प्रतिक्रिया दिनुहोस्