एक किलो चाँदीसहित भारतीय नागरिक पक्राउ

महोत्तरी- महोत्तरीमा सशस्त्र प्रहरीले एक किलो चाँदीसहित एक भारतीय युवकलाई पक्राउ गरेको छ।

जिल्लाको जलेश्वर–मटिहानी सडक खण्डमा भारत, बिहार राज्यस्थित मधुबनी जिल्लाको महरैल गाउँ पञ्चायतका २१ वर्षीय प्रदीपकुमार ठाकुर पक्राउ परेको सशस्त्र प्रहरी नेपाल ९ नं गण हेडक्वार्टर जलसागर महोत्तरीका प्रहरी उपरीक्षक निरकृष्ण अधिकारीले जानकारी दिए।

मटिहानी बजारबाट जलेश्वरतर्फ चाँदी बोकी जाँदै गरेको सूचनाका आधारमा ठाकुर पक्राउ परेको सशस्त्र प्रहरीले जानकारी दिएको छ। उनलाई आवश्यक कारबाहीका लागिजिल्लाको मूल भन्सार कार्यालय मलिवारा, जलेश्वरमा बुझाएको छ।