जनकपुरधाम– जनकपुरका दुई स्थानमा शंकास्पद वस्तु फेला परेपछि सर्वसाधारण त्रसित बनेका छन्।
जनकपुरको संकटमोचन मन्दिर जाने बाटो र सरस्वती मावि जाने बाटोमा शंकास्पद वस्तु फेला परेपछि सर्वसाधारण त्रसित बनेका हुन्।
यसअघि गएको शुक्रबार राति धनुषाको महेन्द्रनगरमा बम विष्फोट हुँदा प्रहरी निरीक्षकसहित तीन जनाको ज्यान गएको थियो।
संकटमोचन मन्दिर जाने बाटोमा आइतबार साँझ बेवारिसे अवस्थामा फेला परेको राइस कुकर र सरस्वती मावि जाने बाटोमा फेला परेको बोरा नेपाली सेनाको टोलीले नष्ट गर्दा ती वस्तुमा बम नभएको जिल्ला प्रहरी कार्यालय धनुषाका प्रवक्ता डीएसपी रामेश्वर कार्कीले जानकारी दिए।
सेनाले ती दुबै वस्तु नष्ट गर्न प्रयोग गरेको विष्फोटक पदार्थको आवाज सुनेपछि सर्वसाधारणले त्यसलाई नै बम ठानेको हुनसक्ने उनले बताए ।
क्षिरेश्वरनाथ नगरपालिकाको महेन्द्रनगरस्थित ब्यारेकबाट पुगेको बम डिस्पोजल टोलीले ती दुबै शंकास्पद वस्तु नष्ट पारेको हो।