काठमाडौं- नेपाल-भारत पहिलो मैत्रीपूर्ण खेल बराबरीमा भएको छ। बिहीबार दशरथ रंगशालामा भएको खेलमा नेपाल र भारत दुवैले १-१ गोलको बराबरी गरेका हुन्।
सुरुवाती अग्रता गरेको नेपालले दोस्रो हाफमा उक्त अग्रता जोगाउन नसक्दा खेलमा बराबरी भएको हो। कोभिड महामारीपछि घरेलु मैदानमा दर्शकसामु खेलको ३६औं मिनेटमा नेपालका अन्जन विष्टले गोल गर्दै सुरुवाती अग्रता दिलाएका थिए।
तर, खेलको ६० औं मिनेटमा अनिरुद्ध थापाले गोल गर्दै भारतलाई बराबरीको स्थितिमा फर्काएका थिए। आइतबार पनि नेपाल र भारतबीचको दोस्रो मैत्रीपूर्ण खेल हुने तय भएको छ।
माल्दिभ्समा आयोजना हुने साफ च्याम्पियनसिपको तयारीका लागि नेपाल-भारतले मैत्रीपूर्ण खेल खेलेका हुन्।अक्टोबर १ देखि १६ साफ आयोजना हुने छ। ्