धनगढी– कैलालीमा कोभिड–१९ दोस्रो लहरका कारण बन्द रहेका विद्यालयमा भौतिक रुपमा पठनपाठन हुने भएको छ। जिल्ला कोभिड–१९ संकट व्यवस्थापन केन्द्रको बिहीबार धनगढीमा बसेको बैठकपछि कैलालीका प्रमुख जिल्ला अधिकारी खगेन्द्रप्रसाद रिजालले बालबालिकाको शैक्षिक गतिविधि गतिशील बनाउन भदौ १८ गतेदेखि भौतिक रुपमै विद्यालय सञ्चालन गर्न दिइएको बताए।
सकेसम्म भर्चुअल माध्यमबाट पठनपाठन गर्ने/गराउने, भौतिक रुपमै उपस्थित गराई पठनपाठन सञ्चालन गर्नुपर्ने भए जनस्वास्थ्यका मापदण्डका कडाइका साथ पालन नर्गुपर्ने प्रमुख जिल्ला अधिकारी रिजालले जारी गरेको आदेशमा भनिएको छ।