शनिबार, चैत २२, २०७६

समाचार

डिजिटल प्रविधिबाट पानी वितरण गर्न ड्रोनबाट अध्ययन

158263254802.jpg

सुर्खेत । सुर्खेत उपत्यकामा पानी वितरण प्रणाली परिवर्तन हुने भएको छ । पानीको चुहावट रोक्न र वैज्ञानिक रुपले पानी वितरण गर्न डिजिटल (स्काडा) प्रणाली अपनाउन लागिएको हो ।

सुर्खेत उपत्यका खानेपानी उपभोक्ता संस्थाले डिजिटल प्रविधिबाट पानी वितरण गर्ने भएको छ । डिजिटल प्रविधि अपनाउन ड्रोनबाट सभ्याव्यता अध्ययन थालिएको छ । पानी वितरणको असमान प्रणाली हटाउन डिजिटल प्रर्णाली सुरु गर्न लागिएको इन्जिनियर विवेक गौतमले जानकारी दिए । सम्भाव्यता अध्ययनका लागि ड्रोनबाट ६० वटा उडान गरेर वस्तुस्थितिको जानकारी लिइने छ ।

तत्कालका लागि स्किम नम्बर ९ अर्थात् वीरेन्द्रनगर वडा नम्बर ५, ६, ७, ८, वडा नम्बर ९ र १० को करिब तीन सय मिटरसम्म सम्भाव्यता अध्ययन गरिरहेको छ । आगामी वैशाखभित्रै डीपीआर तयार गरेर काम सुरु गर्ने संस्थाको लक्ष्य रहेको छ ।

यस्तै पानीे चुहावट रोक्न तत्काल पुराना पाइपलाइन हटाइने भएको छ । पुरानो पाइपलाइनके कारण करिब ३६ देखि ४० प्रतिशतसम्म पानी चुहावट हुँदै आएको छ । २०३६ सालमा विच्छ्याइएका झण्डै ५४ किलोमिटर पाइपलाइन विस्थापित हुने छ । तत्काल प्रदेश सरकारको सहयोगमा पुराना पाइपलाइन विस्थापिन गर्ने संस्थाले जनाएको छ । संस्थाले वीरेन्द्रनगरमा १८ हजार धारामा पानी वितरण गर्दै आएको छ ।

यस्तै वीरेन्द्रनगरको खानेपानी समस्या समाधानका लागि कर्णाली प्रदेश सरकारले ५० करोड लगानी गर्ने भएको छ । खानेपानी समस्या समाधानको लागि प्रदेश सरकारले ५० करोड लगानी गर्ने सुर्खेत उपत्यका खानेपानी उपभोक्ता संस्थाका अध्यक्ष कुलमणि देवकोटाले जानकारी दिए ।

प्रतिक्रिया दिनुहोस्