काठमाडौं- ओमन भ्रमणमा रहेको नेपाली टिमले पपुवा न्युगिनी (पपुवा न्युगिनी)सँग खेल्ने मैत्रिपूर्ण क्रिकेट खेलको मिति परिवर्तन भएको छ।
परिवर्तित मिति अनुसार अब सेप्टेम्बर ७ र १० मा यी दुईबीचको खेल हुने भएको हो। यसअघि सेप्टेम्बर ५ र ८ मा नेपाल र पपुवा न्युगिनीबीच खेल हुने तय भएको थियो।
यी खेलको प्रत्यक्ष प्रसारणका लागि डिस होमसँग सम्झौता भएको क्यानले जनाएको छ। सम्झौतामा क्यानका तर्फबाट कोषाध्यक्ष रोशनकुमार सिंह र डिस होमका तर्फबाट प्रबन्ध निर्देशक सुदीप आचार्यले हस्ताक्षर गरेका थिए।
सिरिजका लागि नेपाली टिम केही दिन अगाडि ओमान पुगिसकेको छ भने पीएनजी पनि मंगलबार ओमान पुगेको छ।