काठमाडौं– मालपोत कार्यालय काभ्रेका नायब सुब्बा रोसकाजी जस्पाउविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।
खरिद–बिक्री भएको जग्गाको जग्गाधनी प्रमाण पुर्जा लिने प्रयोजनका लागि सेवाग्राहीसँग घूस लिएको २० हजार रुपैयाँसहित पक्राउ परेका जस्पाउविरुद्ध २० हजार बिगो मागदाबीसहित बिहीबार मुद्दा दायर गरिएको अख्तियारले जनाएको छ।
जसपाउले जग्गाधनी प्रमाणपुर्जा लिने प्रयोजनको लागि गएका सेवाग्राहीलाई राजस्व, लाभकर संकलन एवं लिखत पारित लगायतको काम गरेको भनी नियमानुसार गरिसकेको कामको लागि विभिन्न वरबहाना बनाई घूस रकम लिएको अनुसन्धानका क्रममा खुलेको अख्तियारले जनाएको छ।