पत्रकार कुटपिट घटना छानबिन गर्न समिति गठन

काठमाडौं - पत्रकार कुटपिट घटनामा छानबिन गर्न समिति गठन गरिएको छ। गत मंगलबार साग फुटबलको फाइनल खेल हेर्न रंगशाला पुगेका दर्शकहरुमाथि प्रहरीले लाठी प्रहार गरेको फोटो खिच्ने क्रममा प्रहरीले खेल पत्रकार सुमन चापागाईंलाई कुटपिट गरेको थियो।

महानगरीय प्रहरी कार्यालय रानीपोखरीले एसएसपी श्याम लाल ज्ञवालीको संयोजकत्वमा ३ सदस्यीय छानबिन समिति गठन गरेको हो। ज्ञवालीसँगै डिएसपीद्वय श्याम चौधरी र मनोहर श्रेष्ठ सदस्य रहने गरी समिति गठन गरिएको छ।

घटनामा डीएसपीद्वय रुगम कुँवर र सन्तोषसिंह राठौर मुछिएका छन्।