टि–२० क्रिकेटमा संयुक्तरूपमा कोहली र रोहितको कीर्तिमान

काठमाडौं– भारतीय कप्तान विराट कोहली र उपकप्तान रोहित शर्माले संयुक्त रूपमा टि–२० क्रिकेटमा सबैभन्दा बढी रन बनाउने कीर्तिमान कायम गरेका छन्।

भारतमा बुधबार सम्पन्न वेस्ट इन्डिजविरुद्धको टि–२० क्रिकेटमा उनीहरूले यो कीर्तिमान कायम गरेका हुन्। यससँगै उनीहरूले टी–२० क्रिकेटमा २ हजार ६ सय ३३ रन बनाएका छन्।

यसअघि यो कीर्तिमान भारतीय कप्तान कोहलीको नाममा थियो। कोहलीले गत आइतबार वेस्ट इन्डिजविरुद्धको दोस्रो टि–२० क्रिकेटमा १९ रन बनाएर यो कीर्तिमान कायम गरेका थिए।

तर, बुधबार वेस्ट इन्डिजविरुद्धको खेलमा शर्माले ७१ रन र कोहलीले ७० रन जोडेपछि दुवैले कीर्तिमानमा बराबरी गरे।