सोमबार, चैत २४, २०७६

समाचार अर्थ

१६ लाख परिवारको निःशुल्क स्वास्थ बीमा हुने

1582439520health-insurance.jpg

काठमाडौं– चरम गरिबीको रेखामुनी रहेका परिवारको स्वास्थ बीमा सरकारले गरिदिने भएको छ । आइतबार राष्ट्रिय बीमा संस्थानको ५३ औं वार्षिकोत्सवका अवसरमा अर्थमन्त्री डा. युवराज खतिवडाले चरम गरिबीको रेखामुनी रहेका १६ लाख घरपरिवारको निःशुल्क स्वास्थ्य बीमा सरकारले गरिदिने भएको बताएका हुन् ।

विश्व बैंकका अनुसार नेपालमा १८ प्रतिशत जनता चरम गरिबीको रेखामुनी रहेका छन्। उनले भने, ‘चरम गरिबीको रेखामुनी रहेका नेपालीको एक लाखसम्मको बीमा शुल्क सरकारले तिरिदिन्छ । एक लाख रुपैयाँको वार्षिक प्रिमियम ३५ सय रुपैयाँ पर्छ । सरकारले साढे १६ लाख गरिब परिवारको ५ अर्ब ७७ करोड रुपैयाँको प्रिमियम भुक्तानी गरिदिनेछ।’

अर्थमन्त्री खतिवडाका अनुसार यो कार्यक्रमले एकैपटकमा ७० देखि ७५ लाख नेपाली स्वास्थ बीमाको दायरामा आउनेछन्, जसले गर्दा उनीहरुको स्वास्थ्यमा सहज रुपले पहुँच पुग्नेछ ।

स्वास्थ बीमा बोर्डले देशभरका ४७ वटा जिल्लामा स्वास्थ बीमा कार्यक्रम गरिरहेको छ ।

प्रतिक्रिया दिनुहोस्