काठमाडौं– प्रमुख प्रतिपक्षी दल नेपाली कांग्रेसको पदाधिकारी बैठक आज दिउँसो ४ बजे बस्दैछ। पार्टी केन्द्रीय कार्यालय सानेपामा पदाधिकारी बैठक बस्न लागेको प्रवक्ता विश्वप्रकाश शर्माले जनाएका छन्।
आगामी केन्द्रीय समिति बैठकको विषयमा एजेण्डा तय गर्न पदाधिकारी बैठक बस्न लागेको हो। केन्द्रीय समिति बैठकमा सीमा विवाद, उपनिर्वाचनको समीक्षा र संगठन सुदृढिकरणको विषयमा छलफल हुनेछ। सोही विषयमा पदाधिकारी बैठकले पनि छलफल गर्ने जनाइएको छ।