शनिबार, चैत २२, २०७६

समाचार

आइजीपीको ब्रिफिङमा गएको प्रहरी भ्यान ट्रकसँग ठोक्कियो, पाँच प्रहरी घाइते

1582432909police-van-accident.jpg

रौतहट- रौतहटको चन्द्रनिगाहपुर नजिकै ट्रकले प्रहरी भ्यानलाई ठक्कर दिदा पाँच जना प्रहरी घाइते भएका छन् ।

गौरबाट चन्द्रनिगाहपुरतर्फ गइरहेको ना१च १३३१ नम्बरको प्रहरी भ्यानलाई ना६ख ८६२५ नम्बरको ट्रकले ठक्कर दिदा पाँच जना घाइते भएका हुन् । घाइते मध्ये दुई जनाको अवस्था गम्भीर रहेको प्रहरीले जनाएको छ ।

गौर बसपार्कका इन्चार्ज प्रहरी नायव निरीक्षक मनोज सिंह र मठिहा प्रहरी चौकीका इन्चार्ज गोविन्द यादवको अवस्था गम्भीर रहेको इलाका प्रहरी कार्यालय चन्द्रनिगाहपुरका डीएसपी हेमबहादुर शाहीले नेपाल समयलाई जानकारी दिए । उनीहरुलाई उपचारका लागि काठमाडौं पठाइएको छ ।

प्रहरी टोली पथलैयामा आइजीपी ठाकुरप्रसाद ज्ञवालीको ब्रिफिङ कार्यक्रममा भाग लिन आउँदै थियो । गौरबाट आएको प्रहरी टोली सवार भ्यानलाई मानसकि सन्तुलन ठिक नभएकी एक महिलालाई जोगाउन खोज्दा ट्रकले ठक्कर दिएको डीएसपी शाहीले बताए ।

ठक्कर दिने ट्रक र चालकलाई नियन्त्रणमा लिएर अनुसन्धान थालिएको उनले जानकारी दिए ।

प्रतिक्रिया दिनुहोस्