काठमाडौं– पूर्वराजा ज्ञानेन्द्र शाहले नेपालले खेल क्षेत्रमा गर्दै आएको विकासप्रति खुसी व्यक्त गर्दै थप सफलताका लागि शुभकामना व्यक्त गरेका छन्।
१३औं दक्षिण एसियाली खेलकुद (साग) समापन भएको दिन आज (मंगलबार) उनले एक सन्देश जारी गर्दै भनेका छन्–‘यसपालीको सागमा नेपालले हासिल गरेको उत्कृष्ट परिणामले मलाई अत्यन्त खुसी लागेको छ । यो उपलब्धिका लागि समस्त सहभागी खेलाडीहरुलाई बधाई दिन चाहन्छु । आगामी दिनहरुमा पनि खेलकुद क्षेत्रमा अझ बढी उपलब्धि हासिल भइरहोस् भन्ने मेरो कामना रहेको छ । साथै १३ औँ साग प्रतियोगिता सफलतापूर्वक सम्पन्न गरेकोमा आयोजक एवम् व्यवस्थापक सबैप्रति पनि म धन्यवाद व्यक्त गर्न चाहन्छु ।’