सनिलको स्वर्णसँगै नेपालले भेट्टायो लक्ष्य

काठमाडौं - नेपालले १३ औं दक्षिण एशियाली खेलकुद (साग)मा राखेको ५० स्वर्ण जित्ने लक्ष्य भेट्टाएको छ। मंगलबार प्रतियोगिताको अन्तिम दिन बक्सिङमा सनिल शाहीले स्वर्ण पदक दिलाएसँगै नेपालको खातामा कुल ५० स्वर्ण पुगेको छ।

सातदोबाटोस्थित कराते हलमा सम्पन्न पुरुष ६० केजी तौल समूहमा भारतका खेलाडीलाई हराउँदै सनिलले स्वर्ण जितेका हुन्। सनिलले भारतका भिरेन्द्रर सिंहलाई अंकको आधारमा हराउँदै स्वर्ण जितेका हुन्।