फुटबलको फाइनल हेर्न दर्शक उत्साहित (फोटो फिचर)

काठमाडौं– १३ औं दक्षिण एसियाली खेलकुद (साग)को अन्तिम दिन आज पुरुष फुटबलको फाइनल खेल हुँदैछ। त्रिपुरेश्वरस्थित दशरथ रंगशालामा दिउँसो ३ बजे सुरु हुने फाइनलमा नेपाल र भुटान आमनेसामने हुँदैछन्।

फुटबलको फाइनल खेल हेर्न दर्शकहरू रंगशाला प्रवेश गर्ने क्रम सुरु भएको छ। घरेलु टोलीले फाइनल खेल्न लागेकाले दर्शक फुटबल हेर्न उत्साहित देखिन्छन्। दर्शकले घरेलु टोलीलाई समर्थन गर्न अनुहारमा नेपाली झण्डा कोरिरहेका छन्। कतिपयले नेपाली झण्डा बोकेर ल्याएका छन्।

नेपाल र भुटान क्रमशः समूहको पहिलो र दोस्रो हुँदै फाइनल खेल्न लागेका हुन्। यसअघि समूह चरण्को खेलमा नेपालले भुटानलाई ४–०ले पराजित गरेको थियो।

उक्त खेलमा नेपालले भुटानलाई सहजै पराजित गरेकाले फाइनल खेल नेपालले जित्नेमा दर्शक आशावादी छन्।