काठमाडौं– १३ औं दक्षिण एसियाली खेलकुद (साग)को समाचार संकलनका क्रममा प्रहरीको कुटाइबाट पत्रकार घाइते भएका छन्।
त्रिपुरेश्वरस्थित दशरथ रंगशालामा नागरिक दैनिकका पत्रकार सुमन चापागाईंलाई प्रहरीले कुटपिट गरेको हो।
टिकट देखाएर रंगशाला प्रवेश गर्न खोजेका दर्शकमाथि प्रहरीले गरेको अभद्र व्यवहारको तस्बिर खिच्न लाग्दा डिएसपी सन्तोषसिंह राठाेरले कुटपिट गरेको पत्रकार चापागाईले बताए।
उनको कानमा चोट लागेको छ। अहिले उनको त्रिपुरेश्वरस्थित ब्लुक्रस हस्पिटलमा उपचार भइरहेको छ।