हिउँदे अधिवेशन पुस ४ गते बोलाउन सिफारिस

काठमाडौं– मन्त्रिपरिषद्ले संघीय संसद्को हिउँदे अधिवेशन पुस ४ गते बोलाउन राष्ट्रपति विद्यादेवी भण्डारीलाई सिफारिस गरेको छ।

हिउँदे अधिवेशन बोलाउनका लागि राष्ट्रपति भण्डारीलाई पत्र पठाइएको बताइएको छ।

गत असोज २ गते संसद्को बजेट अधिवेशन सकिएको थियो।

हिउँदे अधिवेशनलाई विधेयक अधिवेशनका रूपमा समेत लिइन्छ।

यसपालिको हिउँदे अधिवेशनले नयाँ सभामुखसमेत चयन गर्नुपर्नेछ। गत असोज १४ गते तत्कालीन सभामुख कृष्णबहादुर महराले राजीनामा दिएपछि सभामुख पद रिक्त छ।

सभामुख नभएका कारण विधेयक प्रमाणीकरण हुन पाएका छैनन्। अन्य काम भने उपसभामुख शिवमाया तुम्बाहाङफेले गरिरहेकी छन्।