काठमाडौं– नुवाकोटबाट प्रहरीले ४४ राउन्ड गोलीसहित दुईजनालाई नियन्त्रणमा लिएको छ। जिल्लाको बेलकोटगढी नगरपालिका–७ रातामाटाबाट प्रहरीले गोलीसहित दुई जनालाई आइतबार बेलुकी नियन्त्रणमा लिएको हो।
गोलीसहित पक्राउ पर्नेमा स्थानीय आइतराम राई र उनको घरमा डेरा गरी बस्ने ३५ वर्षीय नारायणकाजी आलेमगर रहेको नुवाकोटका प्रहरी प्रमुख प्रहरी उपरीक्षक अविनारायण काफ्लेले जानकारी दिए।
काफ्लेका अनुसार उनीहरुलाई प्रहरी चौकी तारुकाको टोलीले पक्राउ गरेको हो। थप अनुसन्धान भैरहेको काप्mलेले जानकारी दिए।