काठमाडौं– सनराइज बैंक लिमिटेडले बैंकिङ सेवा नपुगेका विभिन्न स्थानहरुमा बैंकिङ सेवा पुर्याउँदै जाने उद्देश्यका साथ चितवनको रत्ननगर नगरपालिका वडा नं. १४ मा ४० औं शाखारहित बैंकिङ सेवाको सुरmवात गरेको छ ।
रत्ननगर नगरपालिकाका अध्यक्ष हरिकुमार श्रेष्ठ र बैंकको प्रादेशिक कार्यालय ३ का सदस्य अचुतजङ्ग श्रेष्ठले एक समारोहका बीच पिठुवामा शाखारहित बैंकिङ सेवाको उद्घाटन गरे । सो अवसरमा श्रेष्ठले शाखारहित बैंकिङ सेवाको प्रतिनिधि नारायण कुमारलाई पोइन्ट अफ सेल मेसिन हस्तान्तरण गरेका थिए ।
उक्त मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ सेवा अन्तर्गत एटिएम कार्ड मार्फत कारोबार गर्न सकिने बैंकले जनाएको छ ।
हालसम्म सन्राइज बैंकले १२६ वटा शाखा, ४० वटा शाखारहित बैंकिङ सेवा, ८ वटा एक्सटेन्सन काउण्टर र १४५ वटा एटिएममार्फत आफ्ना करिब ६ लाख ग्राहकहरुलाई सेवा प्रदान गर्दै आइरहेको छ ।