काठमाडौं– विप्लव नेतृत्वको नेकपाका झापा जिल्ला सदस्य एवं मेचीनगर इन्चार्ज यामकुमार गिरी पक्राउ परेका छन्।
उनलाई महानगरीय अपराध महाशाखाबाट खटिएको विशेष टोलीले शुक्रबार काठमाडौंको तीनकुनेबाट पक्राउ गरेको हाे।
घटनाबारे अनुसन्धान भइरहेको महाशाखा महाशाखाद्वारा जारी विज्ञप्तिमा उल्लेख छ।
गिरी गत भदौ २३ गते राति झापा, बिर्तामोडस्थित सहारा नेपाल बचत तथा ऋण सहकारी संस्था लिमिटेडको केन्द्रीय कार्यालयको निर्माणाधीन भवनमा बम बिस्फोट गराई फरार थिए। बिस्फोटबाट भवनमा क्षति पुगेको थियो।
गिरी झापाको शिवसताक्षी नगरपालिका–४, पाँचगाछी निवासी हुन्।