काठमाडौं– बीपी राजमार्गअन्तर्गत काभ्रेपलाञ्चोकको धुलिखेल नगरपालिका–११ तिरतिरे धारामा शनिबार यात्रुवाहक बसको ढोकाबाट खसेर एक जनाको ज्यान गएको छ।
मृत्यु हुनेमा झापाको तोपगाछी–७ बस्ने ४२ वर्षीय खड्गनारायण श्रेष्ठ रहेको प्रहरीले जनाएको छ। गाडीको ढोकामा उभिएर चुरोट पिउँदै गर्दा हात फुत्केर लडेको प्रहरीले जनाएको छ।
काँकडभिट्टाबाट काठमाडौं आउँदै गरेको ना६ख ९१३८ नम्बरको बसको ढोकाबाट खस्दा गम्भीर घाइते भई उपचारका लागि धुलिखेल अस्पताल पठाइएकामा उपचारका क्रममा मृत्यु भएको जिल्ला प्रहरी कार्यालयका प्रहरी नायब उपरीक्षक दीपक गिरीले बताए।