काठमाडौं - १३ औं दक्षिण एसियाली खेलकुद (साग) अन्तर्गत एथ्लेटिक्सको म्याराथनमा नेपालले स्वर्ण पदक जितेको छ। म्याराथनमा नेपालका किरण सिंह बोगटीले ४२ किलोमिटर म्याराथनमा स्वर्ण पदक जितेका हुन्।
उनले निर्धारित दुरी २ घण्टा २१ मिनेट १७ सेकेण्डको समयमा पूरा गरे। भारतका राशपल सिंहले २ घण्टा २१ मिनेट ५७ सेकेण्डको समयसहित रजत जिते।
महिलातर्फको स्वर्ण श्रीलंकाकी हिरुनी केसराले जितिन्। उनले २ घण्टा ४१ मिनेट २४ सेकेण्डमा निर्धारित दूरी पार गरिन्। नेपालकी पुष्पा भण्डारी रजतमा सिमित भइन्। पुष्पाले २ घण्टा ५० मिनेट ११ सेकेण्डमा दूरी पुरा गरिन्।