विहीबार, चैत २७, २०७६

समाचार विदेश

बेलायती सांसदलाई भारत प्रवेशमा रोक

1581962675uk-mpp_20200217150942.jpg

नयाँदिल्ली– भारतले बेलायती सांसद डेबी अब्राहमलाई इन्दिरा गान्धी अन्तर्राष्ट्रिय विमानस्थलबाटै दुबई फिर्ता गरिदिएको छ ।

उनी बेलायतको लेबर पार्टीका तर्फबाट सांसद हुन्। उनले कश्मीरबाट धारा ३७० हटाएको विरोध गर्दै आएकी थिइन्। अब्राहमले त्यति बेला भारत सरकार र तत्कालीन बेलायती विदेशमन्त्रीलाई पत्र लेखेरै कडा विरोध गरेकी थिइन् ।

उनी भारतलाई कश्मीरबारे दबाब दिन बनाइएको ‘कश्मीर फर अल पार्टी पार्लियामेन्टरी ग्रुप’ की अध्यक्ष पनि हुन्।

अब्राहम सोमबार दुबईबाट नयाँदिल्ली आइपुगेकी थिइन् । विमानस्थलमा अधिकारीले उनको राहदानी हेरेपछि उनलाई दुबई फिर्ता गरिदिएका हुन् ।
भारतीय गृह मन्त्रालयले भने अब्राहमको ई–भिसा रद्द गरेको स्पष्ट पारेको छ ।

भिसा रद्द भएको जानकारी हुँदाहुँदै पनि भारत प्रवेश गर्न खोज्नु अब्राहमको गल्ती भएको भारतीय अधिकारीले बताएका छन्। अब्राहमले आफूलाई डिपोर्ट गरिएको जानकारी गराएकी छन् ।

‘अब्राहमले ट्वीटरमा लेखेकी छन्, ‘सबैका लागि न्याय र मानवअधिकारका लागि म राजनीतिमा प्रवेश गरेकी हुँ। म आफ्नै सरकार र अन्यसँग यी मुद्दालाई लिएर निरन्तर चुनौती दिनेछु ।’

प्रतिक्रिया दिनुहोस्