काठमाडौं– १३ औं सागअन्तर्गत नेपालले साइक्लिङमा थप एक स्वर्ण पदक जितेको छ।
साइक्लिङको क्रस–कन्ट्री स्पर्धामा नेपाललाई लक्ष्मी मगरले स्वर्ण दिलाएकी हुन्। उनले १ घण्टा २० मिनेट २० सेकेन्डमा लक्ष्य पूरा गरिन्।
सो स्पर्धामा नेपालकै उषा खनालले रजत जितिन्। उनले १ घण्टा ३५ मिनेट ५२ सेकेण्डमा लक्ष्य पूरा गरिन्।
कास्य पदक भने भारतले जितेको छ।
यससँगै नेपालले साइक्लिङमा जितेको स्वर्ण संख्या तीन पुगेको छ। यसअघि साइक्लिङको डाउनहिल (पुरुष)मा राजेश मगर र (महिला)मा निस्मा श्रेष्ठले स्वर्ण जितेका थिए।
नेपालको स्वर्ण संख्या भने ३१ पुगेको छ।