जिप भिरमा खस्दा चालक र सहचालकको मृत्यु

काठमाडौं– बुटवलबाट पाल्पातर्फ जाँदै गरेको जिप पाल्पाको चौविस माइल नजिकैको भिरमा खस्दा दुई जनाको ज्यान गएको छ।

श्रीनगर यातायातको लु१ज ४२०९ नम्बरको जिप भिरमा खस्दा पाल्पा रैनादेवी छहरा गाउँपालिका–५ का २३ वर्षीय दिलिप बम्रेल (चालक) र सोही गाउँपालिका–४ का २६ वर्षीय कृष्णबहादुर कार्की (सहचालक)को ज्यान गएको पाल्पाका प्रहरी प्रमुख प्रहरी उपरीक्षक दीपेन्द्र जिसीले जानकारी दिए।

उनका अनुसार स्थानीयले जिपको टुक्रा देखेर दुर्घटनाको आशंका गरी प्रहरीलाई खबर गरेका थिए। जिप कतिखेर दुर्घटना भएको भन्नेबारे यकिन नभएको उनले बताए।

जिपमा चालक र सहचालक मात्र रहेको प्रहरीले जनाएको छ।