काठमाडौं- सि.आर.भि. केशलियामार्ग विराटनगरमा कार्यरत प्रहरी सहायक निरीक्षक (असई) श्यामकुमार दाहाल घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले सेवाग्राहीबाट सात हजार रुपैयाँ घुस लिदैँ गर्दा पक्राउ गरेको हो । खाद्य सामग्रीहरु ओसारपोसारमा सहजिकरण गरिदिने भन्दै उनले घुस मागेको सेवाग्राहीले बताएका छन् ।
अख्तियारका प्रवक्ता दीपकुमार कोइरालाका अनुसार दालहालाई विराटनगर महानगरपालिका–६ घाँसचोकबाट नियन्त्रणमा लिई अनुसन्धान भइरहेको गरिराखिएको छ ।