निमाले उसुमा जितिन् स्वर्ण, नेपालको स्वर्ण संख्या ३० पुग्यो

काठमाडौं- १३ औं दक्षिण एसियाली खेलकुद प्रतियोगिता (साग)अन्तर्गत उसुमा निमा घर्तीमगरले बिहीबार स्वर्ण पदक जितेकी छन्।

उनले नान्छवान अल राउन्डमा बंगलादेशकी मोरजिना अख्तरले रजतलाई पछि पार्दै स्वर्ण जितेकी हुन्।

उक्त स्पर्धामा श्रीलंकाकी सन्जु कुमारी तेस्रो भइन्।

सागमा निमाले जितेको यो दोस्रो स्वर्ण हो। यसअघि उनले भारतमा सम्पन्न १२ औं सागमा उसुको थाउलोमा स्वर्ण जितेकी थिइन्।

जारी सागमा भने नेपालले जितेकाे स्वर्ण पदककाे संख्या ३० पुगेकाे छ।