भैरहवा - नेपाल समयका प्रदेश ५ संयोजक नरेश केसीलाई उत्कृष्ट औद्योगिक पत्रकारिता पुरस्कार प्रदान गरिएको छ।
रुपन्देही उद्योग संघको ४२औं स्थापना एवं औद्योगिक दिवसका अवसरमा बुटवलमा आयोजित विशेष समारोहमा पत्रकार केसीलाई नगद ३५ हजार ५ सयसहित प्रदेश सरकारका उद्योग, पर्यटन, वन तथा वातावरणमन्त्री लीला गिरीले पुरस्कृत गरेका हुन्।
उत्कृष्ट उद्योगीका रूपमा अमृत भुसाल (भुसाल केबल इन्डस्ट्रिज), गीता भट्टराई (सिद्धार्थ डेरी उद्योग), मित्रलाल न्यौपाने (बुटवल रेडिमिक्स) र बस्नेत गाई फार्मलाई पनि सम्मान गरिएको छ ।
यसैगरी दीपक परियार र लीलबहादुर क्षेत्रीलाई १० हजार १ सय ५५ रुपैयाँ बराबरको छात्रवृत्ति प्रदान गरिएको संघका अध्यक्ष बाबुराम बोहराले बताए।
कार्यक्रममा २४ बर्षसम्म कार्यलय सचिव रहेर सेवा गरेका टीकाराम शर्मा र कम्प्युटर एसोसिएसन अफ नेपालका नवनिर्वाचत अध्यक्ष नवराज कुँवरलाई पनि सम्मान गरिएको थियो।