काठमाडौं- नेपालले अन्तर्राष्ट्रि डाउन साइक्लिङमा पहिलो पटक स्वर्ण पदक जितेको छ ।
जारी १३ औं दक्षिण एसियाली खेलकुद (साग) अन्तर्गत आज भएको खेलमा नेपालले पुरुष र महिला दुबैतर्फ स्वर्ण पदक हात पारेको हो ।
महिलातर्फ निश्मा श्रेष्ठले जित दिएकी हुन् भने पुरुषतर्फ राजेश मगरले स्वर्ण चुमेका हुन् । योसँगै नेपालले जारी सागमा २७ वटा स्वर्ण पदक जितेको छ ।
यसअघि आजै उसुको थाउलो नानगुनमा नेपालका दिपक हमालले स्वर्ण जितेका छन् ।
त्यस्तै एसियन गेम्सकी कास्य पदक विजेतालाई पराजित गर्दै नेपालकी अनुपमा मगरले करातेको ६८ केजी तौल समूहमा स्वर्ण पदक हात पारेकी छिन् ।
यसअघि नेपालले हिजो (मंगलबार) ८ वटा स्वर्ण पदक जितेको थियो भने सोमबार १५ स्वर्ण पदक हात पारेको थियो ।