काठमाडौं- कामदार पठाउने प्रक्रिया बन्द भएको करिब डेढ वर्षपछि मलेसियाले पहिलोपटक ठूलो संख्यामा नेपाली कामदार माग गरेको छ ।
विभिन्न पाँच क्षेत्रका लागि मलेसिया सरकारले ३१ हजार दुई सय ९ जना नेपाली कामदार माग गरेको हो ।
नेपाल र मलेसिया सरकारबीच एक वर्षअघि सम्पन्न कामदारको नियुक्ति, रोजगारी तथा घरफिर्तीसम्बन्धी समझदारी पत्र कार्यान्व्यनमा आएपछि यति ठूलो नेपाली कामदारको माग भएको मलेसियास्थित नेपाली दुतवासले जनाएको छ ।
मलेसिया सरकारबाट मागपत्र प्रमाणीकरण भइ अक्टोबरको पहिलो साता मलेसियास्थित नेपाली दूताबासमा प्राप्त भइसकेको छ । दूताबासले पनि बैदेशिक रोजगार विभागमा सिफारिस गरिसकेको छ ।
स्वास्थ्य परीक्षण र भिसा प्रोसेसिङका क्रममा नेपाली ठगिँदै आएको भन्दै तत्कालीन श्रममन्त्री गोकर्ण बिष्टले झन्डै सात महिनासम्म मलेसियामा कामदार पठाउन रोकेका थिए ।
मलेसिया र नेपालबीच पटकपटक भएको वार्तामा स्वास्थ्य परीक्षण र भिसा प्रोसेसिङमा नेपाली कामदार नठगिने प्रत्याभूति गर्ने सहमति भएपछि असोज तेस्रो सातादेखि मलेसियाको रोजगारी खुलेको हो । सहमतिसँगै मलेसियाबाट नेपाली कामदारको माग हुन थालेको हो ।
कुन क्षेत्रमा कति श्रमिक माग ?
माग भएको श्रमिक संख्या– ३१,२०१
औद्योगिक क्षेत्र– १७,११६
सेवा क्षेत्र (सुरक्षा गार्डसहित)– १०,१८३
कृषि क्षेत्र– १,४७५
प्लासन– १,३९७
निर्माण– १,०३०