सोमबार, चैत १७, २०७६

समाचार

झापामा ट्याक्टरबाट लडेर युवकको मृत्यु

झापामा ट्याक्टरबाट लडेर युवकको मृत्यु
सांकेतिक तस्बिर।

झापा– झापामा गुडिरहेको ट्याक्टरबाट लडेर युवकको ज्यान गएको छ।

ज्यान गुमाउनेमा बाह्रदशी गाउँपालिका–२, गच्छीमारीका २० वर्षीय सुनिल मुर्मु रहेको जिल्ला प्रहरी कार्यालयले जनाएको छ।

बाह्रदशी गाउँपालिकास्थित गच्छीमारीको भित्री सडकखण्डमा गुडिरहेको मे१त ६८२३ नम्बरको ट्याक्टरमा सवार मुर्मु लडेर गम्भीर घाइते भएका थिए।

घाइतेलाई उपचारका लागि तत्काल भद्रपुरस्थित मेची अस्पताल लैजाने क्रममा उनको ज्यान गएको प्रहरीले जनाएको छ।

ट्याक्टर र ट्याक्टर चालक इलाका प्रहरी कार्यालय, राजगढको नियन्त्रणमा छ।

प्रतिक्रिया दिनुहोस्