सागमा नेपालले जित्यो पहिलो पदक, कराँतेकी चञ्चलाले दिलाइन् रजत

काठमाडौं– १३ औं दक्षिण एसियाली खेलकुद (साग) प्रतियोगितामा नेपालले पहिलो रजत पदक जितेको छ।

नेपाललाई कराँते (महिला)को व्यक्तिगत कातातर्फ चञ्चला दनुवारले रजत पदक दिलाएकी हुन्।

उनी फाइनलमा पाकिस्तानकी साहिदासँग पराजित भइन् । उनले २४.६२ अंक पाइन् भने साहिदाले २५.२८ अंक ल्याइन्।

यसअघि चञ्चलाले बंगलादेशकी हुमारा अन्तरा र भुटानकी सोनाम ल्हामोलाई पछि पार्दै फाइनल पुगेकी थिइन्।

सो इभेन्टमा श्रीलंकाले कास्य पदक जितेको छ।