काठमाडौं- १३ औं दक्षिण एसियाली खेलकुद प्रतियोगिता (साग)अन्तर्गत सोमबार १२ खेलमा प्रतिस्पर्धा हुँदैछ।
सागको दोस्रो दिन आज तेक्वान्दो, कराँते, पुरुष फुटबल, ब्याडमिन्टन, भलिबल, खो खो, महिला क्रिकेट, टेबल टेनिस, टेनिस, गल्फ, ट्रायथलन र उसुमा प्रतिस्पर्धा हुन लागेको हो। यीमध्ये ब्याडमिन्टन, महिला क्रिकेट र ट्रायथलन पोखरामा तथा बाँकी खेल काठमाडौंमा हुनेछन्।
तेक्वान्दो, कराँते, ब्याडमिन्टन र ट्रायथलनमा स्वर्णको छिनोफानो आजै हुनेछ।
राजधानीको दशरथ रंगशालामा आइतबार राष्ट्रपति विद्यादेवी भण्डारी सागको उद्घाटन गरेकी थिइन्।
सागमा आयोजक नेपालसहित भारत, माल्दिभ्स, श्रीलंका, बंगलादेश, भुटान र पाकिस्तान सहभागी छन्।