सुनसरी- उपनिर्वाचन अन्तर्गत सुनसरीको धरान उपमहानगरपालिकाको मेयर पदमा जारी मतगणनामा नेपाली कांग्रेसका उम्मेदवारले मतान्तर बढाउँदै गएका छन्।
८ बजेसम्मको मतगणनामा कांग्रेस उम्मेदवार तिलक राईले नेकपाका उम्मेदवार प्रकाश राईको भन्दा ७ सय ७ मत बढी प्राप्त गरेका छन्।
कांग्रेसका तिलक राईले ११ हजार ८ सय २७ मत प्राप्त गर्दा नेकपाका प्रकाश राईले ११ हजार १ सय २० मत प्राप्त गरेका छन्।
त्यस्तै संघीय लोकतान्त्रिक राष्ट्रिय मञ्चका अम्बरबहादुर लिम्वुले ५९०, तथा समाजवादीका गजेन्द्रबहादुर लिम्वुले ३९३ मत प्राप्त गरेका छन्।
त्यस्तै स्वतन्त्र उम्मेदवार हर्कराज राईले २२२ र राप्रपाका रोशन विकले ७७ मत प्राप्त गरेका छन्।
यसअघि धरान उपमहानगरपालिकामा तत्कालिन एमालेका तारा सुब्बा विजयी भएका थिए।