काठमाडौं- अख्तियार दुरुपयोग अनुसन्धान आयोगले ललितपुर महानगरपालिका वडा नं. २८ का इन्जिनियर महेन्द्र महर्जनविरुद्ध घुस खाएको आरोपमा मुद्दा दायर गरेको छ।
महर्जनले घर निर्माण सम्पन्न पश्चात निर्माण सम्पन्न प्रमाण पत्र लिन रकम लाग्छ भन्दै घुस लिएको आरोपमा अख्तियारले नियन्त्रणमा लिएर मुद्दा दायर गरेको हो।
इन्जिनियर महर्जनले सेवाग्राहीसँग १० हजार घुस लिइसकेको अवस्थामा नियन्त्रणमा लिइएको अख्तियार दुरुपयोग अनुसन्धान आयोगले जनाएको छ।
उनीविरुद्ध भ्रष्टाचार निवारण ऐन बमोजिम विशेष अदालत काठमाडौंमा मुद्दा दर्ता गरिएको खख्तियार प्रवक्ता प्रदीप कोइरालाले जानकारी दिए।