काठमाडौं : संखुवासभाको मकालु गाउँपालिका अध्यक्षमा नेकपाका तेजबहादुर पोखरेल विजयी भएका छन् ।
उनले ३ हजार १८ मत ल्याएर कांग्रेस उम्मेदवार विमल पराजुलीलाई पराजित गरेका हुन् ।
पराजुलीले २ हजार २ सय १६ मत पाएका छन् । समाजवादी पार्टीका नुर्बु शेर्पाले ३ सय ३२ मत प्राप्त गरेको जिल्ला निर्वाचन कार्यालयले जनाएको छ ।
निर्वाचनमा ५ हजार ७ सय ७४ मत खसेको थियो । त्यसमा १ सय २५ मत बदर भएको थियो ।
यसअघि नेकपाबाट विजयी अध्यक्ष खड्गबहादुर कट्वालको २९ माघ ०७४ मा वरुण मेला जाने क्रममा गाडी दुर्घटनामा मृत्यु भएको थियो ।