सुनसरी- धरान उपमहानगरपालिकाको मेयरका लागि भएको उपनिर्वाचनमा नेकपा र कांग्रेस उम्मेदवारबीच कडा प्रतिस्पर्धा देखिएको छ।
जारी मतगणनामा नेपाली कांग्रेसका उम्मेदवार तिलक राईले ६ हजार ८५८ मत प्राप्त गरेका छन्।
त्यस्तै सत्तारुढ नेकपाका उम्मेदवार प्रकाश राईले ६ हजार ४ सय ३४ मत प्राप्त गरेका छन्। उपमहानगरपालिकाकाे वडा नम्बर १६ १७ १८ १९ २० काे मतगणना सकिएकाे जिल्ला निर्वाचन कार्यालयले जनाएकाे छ ।
उक्त उपमहानगरपालिकामा यसअघि तत्कालीन वाम गठबन्धनका तर्फबाट नेकपाका उम्मेदवारले चुनाव जितेका थिए।