काठमाडौं– शनिबार सम्पन्न उपनिर्वाचनअन्तर्गत ३९ वडाअध्यक्ष पदको मतपरिणाम सार्वजनिक भएको छ।
मतपरिणाम अनुसार नेपाल कम्युनिस्ट पार्टी (नेकपा) कांग्रेसभन्दा दोब्बर स्थानमा निर्वाचित भएको छ। निर्वाचन आयोगका अनुसार नेकपा २२ वडामा विजयी हुँदा नेपाली कांग्रेसका उम्मेदवार ११ वडामा निर्वाचित भएका छन्। यस्तै, राष्ट्रिय जनता पार्टी, नेपाल र समाजवादी पार्टीका उम्मेदवार तीन–तीन स्थानमा निर्वाचित भएका छन्।
शनिबार १ प्रतिनिधिसभा सदस्य, ३ प्रदेशसभा सदस्य, १ उपमहानगर प्रमुख, ३ गाउँपालिका अध्यक्ष, १ गाउँपालिका उपाध्यक्ष र ४३ वडाअध्यक्ष पदमा उपनिर्वाचन भएको थियो।