कास्की- निकै चासोका साथ हेरिएको कास्की क्षेत्र नम्बर २ मा नेकपाकी उम्मेदवार विद्या भट्टराईले अग्रता लिएकी छन् ।
आइतबार बिहानको ताजा मतपरिणाम अनुसार भट्टराई कांग्रेसका उम्मेदवार खेमराज पौडेलभन्दा ११ सय ६८ मतले अगाडि देखिएकी छिन् ।
पोखरा ३३ को मतगणना सम्पन्न हुँदा नेकपाका उम्मेद्वार कांग्रेस उम्मेदवार भन्दा ११ सय ६१ मतले अगाडि देखिएकी हुन् ।
आइतबार बिहान दिइएको जानकारी अनुसार नेकपाकी उम्मेदवार भट्टराईले ३२ सय ७६ मत पाएकी छन् भने कांग्रेसका उम्मेदवार पौडेलले २१ सय १५ मत प्राप्त गरेका छन् । समाजवादीले ९५, राप्रपाले ४७, साझाले ३५, नेपाली कांग्रेस बिपिले ७ मत प्राप्त गरेको छ ।
वडा नम्बर ३३ मा ५ हजार ६ सय ४२ मत खसेको थियो । यसमध्ये ५१ मत बदर भएको छ । त्यहाँ ७ हजार ९ सय ९१ कुल मतदाता थिए ।
मतगणना पोखराको सहिद चोक स्थित जिल्ला समन्वय समिती कास्कीको हलमा जारी छ।
शनिबार राती साढे १० बजे नै सुरु गरिने भनिएको मतगणना आइतबार बिहान १ः४० बजे सुरु भएको थियो । मतदान केन्द्रबाट उठाइको मुचुल्का जानकारी नगराइए पछि पहिलो विवाद सुरु भएको थियो ।