साग: नेपाल महिला भलिबल टोली फाइनल प्रवेश

काठमाडौं-  नेपाल १३ औं दक्षिण एशियाली खेलकूद प्रतियोगिता (साग) अन्तर्गत महिला भलिबल प्रतियोगिताको फाईनलमा प्रवेश गरेको छ।

शनिबार साँझ भएको खेलमा नेपालले श्रीलंकालाई २५-१४, २५-१८ र २५-२१ को सोझो सेटमा पराजित गर्दै फाईनलको यात्रा तय गरेको हो।

सुरुका दुई सेटमा एक पटक पनि अग्रता लिन नसकेको श्रीलंकाले अन्तिम सेटको सुरुवाती चरणमा अग्रता लिए पनि नेपालले १३ अंकबाट सुरु गरेको अग्रता लगातार कायम नै राख्यो।

प्रतियोगिताको उपाधिका लागि नेपाल भारतसँग भिड्ने छ।

यस अघि भारतसँग समूह चरणमा पराजय भोगेको नेपालको भेट फाइनलमा फेरि भारतसँग हुने भएको छ।

माल्दिभ्सलाई सोझो सेटले पराजित गर्दै भारत फाईलनमा प्रवेश गरेको हो। भारतले २५-१४, २५-६ र २५- १७ ले माल्दिभ्सलाई पराजित गर्दै फाईनलको यात्रा तय गरेको हो।